لو ربنا كرمك وسافرت إيطاليا يبقى لازم تعدي على مقبرة "كابتشين".

"قلبك ضعيف قويه"

لو ربنا كرمك وسافرت إيطاليا يبقى لازم تعدي على مقبرة "كابتشين".

سنة 1599 كان فيه دير للمسيحيين وفيه مقبرة بيحطوا فيها موتاهم، مات راهب اسمه "سلفيستر كابيو" وجُم عشان يحطوا جثته في المقبرة ملقوش مكان فاضي، عملوا إيه؟!

خدوا الجثة غسلوها بخلّ ولبسوها اللبس اللي كان بيلبسه الراهب وهو عايش وعلقوها ع الحيطة!

من بعدها أصبح أي حد بيموت بياخدوا جثته يعلقوها ع الحيطة بنفس اللبس اللي كان بيلبسه وهو عايش، جميع فئات المُجتمع.. هتلاقي ظُباط ورهبان وناس عادية بسيطة.. هتلاقي حريم وأطفال، يعني كل اللي نفسك فيه هتلاقيه.. زي منتا شايف في الصور كده وهسيب صورتين كمان في الكومنتات.

مش بس كده، إنت كمان تقدر تكتب في وصيتك اللبس اللي إنت عايز تلبسه لما تموت إن شاء الله ويعلقوك ع الحيط.

أهالي الموتى أو الجثث كانوا من وقت للتاني بيروحوا يزوروهم ويعتنوا بالجثث.. طبعا فيه جزء من الجثث اتحللت ومبقاش منها غير العضم.

أهم جثة لازم تشوفها وإنت هناك (ده لو رحت يعني) هي جثة الطفلة "روزاليا لومباردو".. دي بنت صغيرة ماتت بمرض السل، المُدهش فيها إنها لحد الآن ما زالت مُحتفظة بشكلها الحقيقي يعني لو شوفتها هتقول دي نايمة مش ميتة أبدا، عشان كده سموها "الأميرة النائمة".

الدير اتحول لمزار سياحي واتحط فيه حوالي 8000 جثة متعلقة على جدران الدير ومتقسمة مجموعات، الرجالة لوحدهم والحريم لوحدهم والأطفال وكمان ركن خاص بالمشاهير والأغنياء والطبقة العُليا.

تقدر تزورها عادي جدا بتقطع تذكرة وتدخل، تحب أكتبلك العنوان ومواعيد الزيارة؟!