"متلومش غير نفسك"
"متلومش غير نفسك"
1- "هانج ميوكو" واحدة كورية عندها 24 سنة، عندها هوس بعمليات التجميل حقنت وشها بالسيليكون أكتر من مرة عشان توصل للشكل اللي هي عايزاه أو شايفاه جميل يعني، لدرجة إن الأطباء قالولها كفاية سيليكون يا بنتي.. رفضت تسمع كلامهم وحبّت تجوّد قامت اشترت إزازة سيليكون وحقنت وشها بنفسها.
لسه برضه موصلتش للي هي عايزاه، قامت حقنت وشها بزيت الطبخ!.. هنا بدأ وشها يتقلب عليها ويتحول للشكل اللي إنتو شايفينه في الصورة ده!!
البنت اتشهرت وطلعت في برامج ع التليفزيون والناس اتعاطفت معاها واتبرعولها عشان تعمل عملية تجميل ترجع بيها لشكلها الطبيعي لكن هيهات.. البنت الجميلة الشابة دلوقتي بقى عندها 48 سنة عايشة بالمنظر اللي وصلتله ده!.. متلومش غير نفسك!
2- "ميكايلا روماني" ناشطة إيطالية جمالها جمال رباني وطبيعي زي منتا شايف لكن تقول إيه لما الإنسان يتبطر على خلقة ربنا، شكلها مكانش عاجبها أو شايفة إنها لو عملت عمليات تجميل هتبقى أحسن من كده وبعد كم عملية تجميل وحقن وبوتكس وصلت للشكل اللي قدامكم ده!
3- "جوسلين ويلدنستين" دي حكايتها حكاية.. جوزها كان ملياردير بيحب القطط جدا.. قامت صرفت ملايين الدولارات عشان تعمل عملية تجميل بحيث يبقى وشها شبه القطط عشان البيه جوزها بيحب القطط.. شايفين الحب يا جماعة؟!. سلمولي ع الحجج والأعذار.
الكارثة بقى إن بعد ما ضحت بشكلها عشان خاطر جوزها.. اكتشفت إنه بيخونها مع واحدة تانية واتطلقت وهي حاليا أعلنت إفلاسها وقالت إنها مش لاقية تاكل!
تعليقات
إرسال تعليق